रायपुर- दिल्ली. ये जमाना म घोड़े म सवार हो के सड़क म चलना थोड़कन अजीब लगथे, काबर के देस म वाहन मन के कमी नइए. लेकिन हम आप मन ल एक अइसने किस्सा बतात हवन. जे बहुत हईरान करईया हे.
बता देवन, केरल म एक छात्रा अपन परीक्षा देय बर घोड़ा म सवार होके जाथे. ये छात्रा के वीडियो सोशल मीडिया म चर्चा के बेषय बने हुए हे. लोगन ये वीडियो ल जमके शेयर करे जात हे.
परीक्षा दे बर घोड़ा के सवारी करईया नोनी कृष्णा ह कहिन के, मैं रोज घोड़ा ले स्कूल नई जाव. सिरिफ कोनो खास दिन या फेर जब मैं ऊब जात हव. अउ परीक्षा के दिन म. अगर आप मुोर ले पूछी हव के वो दिन का खास हे. त वो दिन मोर 10वीं बोर्ड परीक्षा के आखिरी दिन हे.
संगेच कृष्णा ह कहिन के, मोरे एक दोस्त ह कहिन के, घोड़ा के सवारी करना आसान नइए. अउ ये लड़की मन बर संभव नइए. उमन कहिन के, ये सिरिफ ‘झांसी की रानी’ जइसे महिला मन बर संभव हे. त मैं सोचे काबर नईए? कोनो भी लड़की घोड़ा के सवारी कर सकत हे.
बता देवन के, ये वीडियो ल बिजनसमेन आनंद महिंद्रा ह पोस्ट करिस हे. वीडियो ल अब तक 7800 लाइक अउ 2500 रिट्वीट आ चुके हे. ये लड़की केरल के रहवईया. वो ह केरल के स्थित त्रिसूर म 10वीं के बोर्ड परीक्षा देवत हे. ये अपन परीक्षा दे बर घोड़ा म सवार होके जाथे.
ये बच्ची के वीडियो सोसल मीडिया म खूब पसंद करे जात हे. ये वीडियो म लड़की ह स्कूल यूनिफॉर्म पहिने हुये हे अउ कंधा म बैग टांगे हुये हे. वीडियो म ये लड़की सफेद घोड़े के सवारी करत हे.
Other Articles
DGP बोलिस- बीजेपी विधायक ह लउटा दीस 50 जवान मन के सुरक्षा
पीएम नरेन्द्र मोदी ह कहिस, व्यर्थ नई जाही बलिदान
