Gariaband: 15 ले 20 हाथी के दल ह देवरीबाहरा-अंदोरा के तीर डाले हे डेरा, किसान के मकान ल पहुंचाइस क्षति

जय जोहार…. (gariaband) गरियाबंद जिला के देवरीबाहार-अंदोरा के तीर 15 ले 20 हाथी के दल ह डेरा डाले हे। एखर सूचना वन विभाग ल मिले के बाद वन कर्मी मन ह आसपास के सबो ग्राम म ग्रामीण मन ल जंगल म नई जाय के मुनादी कराय गे हे।

उहचे वन परिक्षेत्र गरियाबंद, नवागढ़, धवलपुर के अधिकारी, कर्मचारी, हाथी मित्र दल के सदस्य के तरफ ले ग्रामीण मन के सहयोग ले हाथी दल के विचरण म नजर रखे जावत हे।

वन मंडलाधिकारी मयंक अग्रवाल ह बताईस कि (gariaband) 15 ले 20 हाथी के दल ह 4 जनवरी के ग्राम दशपुर के तीर कक्ष क्रमांक 647 म विश्राम करत रिहिस। एखर बाद शाम के कक्ष क्रमांक 659-660 ले होवत हुये रायपुर-देवभोग राज्य मार्ग 130 सी ल पार कर के कमार डेरा भिर्रालाट के तीर पहुंचे रिहिस।

उहां कमार परिवार के पांच मकान बने हुये हे। परिवार के सबो सदस्य मन ह राथी के विचरण के सूचना दे के कोनो जनहानि ले बचाय बर सुरक्षित पक्का मनका म ले जा के रखे गिस।

(gariaband) कमार डेरा ले हाथी के दल ह विचरण करत हुये भिर्रालाट, पण्डरीपानी होवत हुये पण्डरीपानी के बाहर खेत म जैतपुरी निवासी प्रभुलाल के मकान ल क्षति पहुंचाए हे।