राजधानी म चाकूबाजी म एक युवक के हत्या, अज्ञात आरोपी के खिलाफ मामला दर्ज

रायपुर। राजधानी म चाकूबाजी के मामला आघू आए हे। बीते रात इहां अज्ञात लोगन मन एक युवक राजू गुप्ता ऊपर चाकू ले हमला कर मउत के घाट उतार दिस। वारदात के बाद आरोपी मन फरार हो गे। डीडी नगर पुलिस ह अज्ञात आरोपी के खिलाफ हत्या के मामला दर्ज करे हे।

जानकारी के मुताबिक तात्यापारा के रहवईया मृतक राजू गुप्ता ह गोलबाजार पार्किंग म परची काटे के काम करत रिहिस। बीती रात करीब साढे 10 बजे सरोना भट्‌ठी के पास अज्ञात बदमाश मन ओखर ऊपर चाकू ले हमला कर दिस, जेखर से मौका म ही मउत हो गे। अभी तक आरोपी मन के पता नई चल पाए हे।