जय जोहार…. (Raipur) पांच सूत्री मांग ल ले के महात्मा गांधी जयंती ले सुरू आम आदमी पार्टी के अनिश्चितकालीन अनशन ह खत्म हो गे हे। जिला प्रशासन अऊ खनिज अधिकारी मन के आश्वासन के बाद आम आदमी पार्टी ह बुधवार के रात अपन अनशन ल समाप्त कर दिस।
(Raipur) आम आदमी पार्टी के प्रदेश सह संयोजक अधिवक्ता शत्रुघन साहू ह पांच सूत्री मांग ल ले के महात्मा गांधी जयंती 2 अक्टूबर ले अनिश्चितकालीन अनशन म बइठे रिहिन। पार्टी ह रेत के कालाबाजारी रोके समेत पांच सूत्री मांग ल रखे रिहिन।
बुधवार के रात करीब 10 बजे जिला प्रशासन अऊ खनिज अधिकारी मन के एक दल ह अनशन स्थल म पहुंचिस। (Raipur) इहां अनशन म बइठे शत्रुघन साहू ल पार्टी के मांग म 10 दिन के भीतर कार्रवाई के आश्वासन दिस। जेखर बाद आम आदमी पार्टी ह अनशन ल खत्म कर दिस। द्विपक्षीय चर्चा के दौरान पार्टी के कई पदाधिकारी अऊ कार्यकर्ता उपस्थित रिहिन।
