प्रदेश सरकार उपर जमके गरजिस सांसद अभिषेक सिंह

‘राज्य म चुनाव हारे हन, हउसला नई, प्रदेस केे सबो 11 सीट मन म करबो जीत दर्ज’

कवर्धा. लोकसभा चुनाव के बिगुल बजत ही छत्तीसगढ़ म सबो राजनैतिक पार्टी मन चुनावी रननीति म सक्रिय दिखत हवय. भाजपा ह कार्यकर्ता मन म उत्साह अउ नवां उमंग भरे बर मंगलवार को कवर्धा के दूनों विधानसभा मन के कार्यकर्ता मन के सम्मेलन आयोजित करे गिस. सहर के गांधी मइदान म सैकड़ों के संख्या म भाजपा के कार्यकर्ता सम्मेलन म सामिल होइन, ए दउरान संसाद अभिषेक सिंह, भाजपा के प्रदेस महामंत्री संतोष पांडेय समेत तमाम भाजपा के दिग्गज नेता कार्यकर्ता सम्मेलन म सामिल होइन.

भाजयुमो के प्रदेश अध्यक्ष विजय शर्मा ह ए कार्यक्रम म पीएम नरेंद्र मोदी के तारीफ करत हुए प्रदेस के कांग्रेस सरकार ल जम के कोसीस, उमन कहिन के राज्य सरकार अभु तक रिजर्व बैंक ले 5 बेर कर्ज ले चुके हे, बेरोजगार मन ल 25 सौ बेरोजगारी भत्ता देय के बात कहे गे हे हे. लेकिन अभु तक उमन बेरोजगार मन के सुध नई लीस हे.

उहें संसाद अभिषेक सिंह ह कार्यकर्ता मन म जोश भरत हुए कहिन के, हमन ल पूरा ताकत के संग मेहनत करना हे, चुनाव हारे हन हउसला नई हारे हन, सांसद अभिषेक सिंह ह कार्यकर्ता मन ले सोझे बात करत हुए कहिन के, अब समय आ गे हे अपन ताकत दिखाए के.

ये अवसर म अभिषेक सिंह ह गोवा के मुख्यमंत्री मनोहर पर्रिकर के निधन म गहरा दुख जतात हुए कहिन, गोवा के सीएम रहत हुए मनोहर पर्रिकर एक बेर स्कूटर म घूम रहिन त स्कूटर ल पुलिस चेकिंग के दउरान मुख्यमंत्री ल रोक लिस. उमन हेलमेट उतार के बताइन के, मैं गोवा के मुख्यमंत्री हव, अइसे रहिस हमार बीजेपी के नेता ह.

सरकार कोनो के भी होवय. फेर क्षेत्र के विकास के जुम्मेदारी हर सरकार के हे, पाछू लोकसभा चुनाव म बीजेपी ह 10 सीट मन म जीत हासिल करे रहिस हे. ये बेर प्रदेश के सबो 11 सीट जीत के नरेंद्र मोदी ल देना हे, हर कार्यकर्ता
ल कड़ा मेहनत करे के जरूरत हे. नरेंद्र मोदी सांसद म आंख मिचौली करइया नईए, दुश्मन मन के संग आंख दिखा के लड़इया हवय नरेंद्र मोदी. लोकसभा चुनाव म कांग्रेसी नेता मन के सबक सिखाना हो ही. सांसद अभिषेक सिंह ह प्रियंका
वाड्रा गांधी के गंगा यात्रा म सवाल खड़े करिन.

उमन आघू कहिन के, देस के 20 करोड़ ले जियादा कुंभ मेला म जाकर आ चुके हे जे बेवस्था 50 साल म नइ देखिस हे. ए बेर प्रधानमंत्री के नेतृत्व म प्रयागराज म देखे गिस. सबो दर्शनार्थी मन बर विशेस बेवस्था करे गिस. अइसे बेवस्था कांग्रेस के राज म नइ देखे गिस.