जय जोहार…. शिवरीनारायण (Shivrinarayan) नगर म आज अखिल भारतीय विद्यार्थी परिषद के कार्यकर्ता मन ह 72 वां स्थापना दिवस मनाय हे। ए दौरान मुख्य वक्ता के रूप म अभाविप के पूर्व कार्यकर्ता चिराग केशरवानी ह स्वामी विवेकानन्द के पूजा-अर्चना कर कार्यक्रम ल सुरू करिन।
ए अवसर म वो हा कहिन कि आज अखिल भारतीय विद्यार्थी परिषद के स्थापना के 72वां वर्ष पूरा हो गे हे। वर्ष 1949 म अभाविप के स्थापना ह होय रिहिस, तब ले ले के अब तक विद्यार्थी परिषद ह सरलघा छात्र अउ समाज के समस्या ल ले के आवाज उठावत हे।
वो हा कहिन कि विद्यार्थी परिषद के सिरिफ एक ही उद्देश्य हे भारत ल विश्व गुरु बनाना अउ स्वामी विवेकानंद जी के विचार अउ आदर्श म चलत हुये विद्यार्थी परिषद के हर कार्यक्रर्ता ह ए प्रयास म लगे हे।
विद्यार्थी परिषद के हर कार्यकर्ता ह राष्ट्र प्रेम ले ओतप्रोत हो के विश्व के सबले बड़े छात्र संगठन होय पर गर्व करत हे।
अभाविप के शिवरीनारायण (Shivrinarayan ) नगर अध्यक्ष लक्की यादव अउ नगर मंत्री आकाश यादव ह कहिन कि शिवरीनारायण (Shivrinarayan ) म कोनो छात्र मन के समस्या के समाधान बर विद्यार्थी परिषद ह सदैव ओखर संग रही।
ए कार्यक्रम म बड़का संख्या म अभाविप के कार्यकर्ता मन ह उपस्थित रिहिस।
