बाल-बाल बचिस मंत्री भगत.. नसा म धूत युवक मारिस जोरदार टक्कर

अंबिकापुर। प्रदेस के खाद्य मंत्री अमरजीत भगत ह सड़क दुर्घटना म बाल बाल बाचिस हे। फेर ओकर सहायक ल छाती म गंभीर चोट आए हे। बताए जात हे कि मंत्री अमरजीत ह नृत्य प्रतियोगिता म भाग ले के अंबिकापुर आवत रिहीन। तभे ए हादसा ह होइस। 

घटना ह सोनतराई के नज़दीक होइस। शराब के नशा म धूत युवक ह आल्टो गाड़ी में मंत्री के गाड़ी ल जोरदार टक्कर मारिस। एमा मंत्री ल तो कूछू नहीं होइस। फेर ओकर सहायक ल चोट आए हे। बताए जात हे कि मंत्री के गाड़ी ल जेन ह टक्कर मारे हे तेकर नाम दिनेश चौधरी हवय। ए हादसा के बाद मंत्री ह शराब के नशाधूत दिनेश चौधरी ल अपन क़ाफ़िला ले ओकर घर छोड़वा दे हे।