शराब के नशा म व्यापारी सागर खंडेलवाल कर दिस एक्सीडेंट, शिकायत के बाद पुलिस नई करिस कोनो कार्रवाई

जय जोहार रायपुर…. राजधानी के महादेव घाट के पास तेज रफ्तार कार ह शकुन वाटिका के गेट अऊ दीवाल ल तोड़ते हुए अंदर घुस गिस। ये कार ल व्यापारी सागर खंडेलवाल ह चलात रहिस, जेन ह शराब के नशा म रहिस। ये संबंध म डीडी नगर थाना म एफआईआर दर्ज कराए गिस, लेकिन पुलिस ह अब तक कोनो कार्रवाई नई करे हे।

जानकारी के अनुसार घटना 15-16 फरवरी के रात करीब एक बजे के हे। व्यापारी सागर खंडेलवाल पिता पवन खंडेलवाल शराब के नशा म अपन मर्सिडीज कार नंबर सीजी 04 एलयू 4749 ल चलात रहिस।  कार ह महादेव घाट के गोकुल धाम अपार्टमेंट के पास शकुन वाटिका के गेट अऊ दीवाल ल तोड़ते हुए अंदर म घुस गिस। ये हादसा म ओखर पैर के हड्‌डी टूट गिस।

शिकायतकर्ता अरुण दुबे ह कहिन कि सागर खंडेलवाल के खिलाफ डीडी नगर थाना म एफआईआर दर्ज कराए गे रहिस। वो हा कहिन दुर्घटना के बखत सागर खंडेलवाल शराब के नशा म रहिस।