Jagdalpur: पुलिस ल मिले हे बड़का सफलता, लाखो रुपया के ठगी करइया आरोपी ह कोलकाता ले गिरफ्तार
जय जोहार…. (Jagdalpur) बस्तर पुलिस साइबर क्राइम ल बड़का सफलता मिले हे। फोरएवर फ्रेंडशिप नामक आनलाइन साइट म रजिस्ट्रेशन अऊ आन आर्थिक ओपचारिकता के बात कह के लाखो रुपया के ठगी करइया युवती ल पुलिस ह कोलकाता ले गिरफ्तार कर ले हे।
बता देन कि जुलाई 2020 म (Jagdalpur) कुम्हारपारा निवासी राहुल डे ह अपन घर म फांसी लगा के आत्महत्या कर ले रिहिन। ए मामला म जांच के दौरान पाय गे कि मार्च ले जुलाई 2020 के बीच कुछु मोबाइल नंबर के धारक के तरफ ले मृतक ले फोरएवर फ्रेंडशिप नामक आनलाइन साइट म रजिस्ट्रेशन अऊ आन आर्थिक ओपचारिकता के बात कह के अलग-अलग समय म कुल 8 लाख 60 हजार 600 रुपया अपन खाता म जमा करवा के ठगी करे गे रिहिन। जेखर बाद 6-7 जुलाई के राहुल डे ह घर म फांसी लगा के आत्महत्या कर ले रिहिन।
ए मामला म धारा 420, 306 अऊ 120 बी के तहत अपराध पंजीबद्ध करे ले गिस। एखर बाद जांच के दौरान आरोपी मन के पहचान करे गिस। (Jagdalpur) जेमा आरोपी मन के अलग राज्य ले संबंध निकल के सामने आइस। ए आधार म पुलिस के टीम ल पश्चिम बंगाल बर रवाना करे गे रिहिन। ए दौरान पुलिस ह कोलकाता ले मौसमी मंडल ल गिरफ्तार करिन।
