महिला पुलिसकर्मी ह युवक ऊपर लगाइस बिहाव के झांसा देके दुष्कर्म के आरोप

रायपुर. राजधानी के एक महिला पुलिसकर्मी ह एक बैंक के कैशियर ऊपर बिहाव करे के झांसा देके दुष्कर्म करे आरोप लगाए हे। महिला पुलिसकर्मी के अनुसार रायपुर में ही पदस्थ बैंककर्मी ले ओखर दोस्ती होगिन। फेर धीरे-धीरे दूनो झन करीब आ गे अउ इही दउरान महिला पुलिसकर्मी ल बैंक कैशियर ह बिहाव बर प्रपोज करिन अउ इही झांसा म लेके महिला ले दुष्कर्म करिस। जब महिला ह युवक ले बिहाव करे बर कहिन त वो ह मुकर गे। कई बार केहे के बाद भी जब वो कैशियर ह बिहाव करे बर राजी नई होईस त महिला पुलिसकर्मी ह उंखर खिलाफ कोतवाली थाना म शिकायत दर्ज करइस हे। जइसे ही ये मामला के भनक कैशियर ल लगिस त वो ह तुंरत फरार हो गे। महिला पुलिसकर्मी के बयान के बाद अब पुलिस ह आरोपी के तलाश में जुट गे हे।