शराब तस्कर मन के कार ह गिरिस खाई म, 2 झन के मउत अउ एक के हालत गंभीर

बिलासपुर/पेंड्रा। शराब के तस्करी करत रिहिस तस्कर के कार ह खाई म गिरे ले 2 झन के मउत हो गे। उंहे गाड़ी म फंसे एक व्यक्ति ल निकाले के प्रयास करत हे। गौरेला पुलिस ह मामला के जांच म जुटिन हे।

जानकारी के मुताबिक घटना गौरेला थाना इलाका के करंगरा घाटी के हरे। गौरेला पुलिस ल बिहनिया साढे 10 बजे सूचना मिलिस कि एक कार ह खाई म गिर गे हे। सूचना के बाद घटनास्थल पर बल ल रवाना करे गिस। बताए जाथ हे कि अंतरराज्यीय शराब तस्कर मन झारखंड पासिंग के सफारी कार म भारी मात्रा म मध्यप्रदेश ले शराब लेके भिलाई जात रिहिस। इही दउरान कार ह करंगरार घाटी म गिर गे। जेमा कार म सवार 2 झन के मौका म ही मउत हो गे। उंहे एक झन ह कार म ही फंस गे, जेखर हालत गंभीर हे। पुलिस ह कटर से काटकर कार ले बाहिर निकाले के कोशिश करत रिहिन हे।  कार ले भारी मात्रा म शराब घलो जब्त करे गे हे। बहरहाल मृतक मन के शिनाख्त नई होय हे। गौरेला पुलिस ह मामला के जांच शुरू कर दे हे।