टॉकीज के करमचारी उपर तेजाब ले हमला करइया आरोपी मन पकड़ाईस

मुंगेली. मुंगेली के मनुराज टॉकीज के करमचारी उपर तेजाब डरईया सबो फरार आरोपी ल पुलिस ह पकड़ ले हे। एमा दू झन आरोपी ह नाबालिग हे। ये घटना ह 2 जुलई के हरे। पुलिस ले मिले जानकारी अनुसार ये आरोपी मन ल राउरकेला ओड़िशा ले गिरफ्तार करे गे हे। आरोपी मन ह पेट्रोल अउ तेजाब ल शीशी में भरके घटना ल अंजाम दे रहीस।

बता दें टॉकीज के टिकिट काउंटर म काम करइया ओमप्रकाश उपर ज्वलनशील द्रव डाल के आगी लगा दे रिहिस हे। ये घटना म एक अउ करमचारी सलारू ह घलोक एखर चपेट में आके जल गे रहीस। ये हमला म ओमप्रकाश 40 ले 50 परतिशत हिस्सा ह जल गे हे, जेखर इलाज बिलासपुर के अस्पताल म चलत हे। उंहे सलारू के शरीर ह 5 परतिशत जल हे, जेला जिला अस्पताल म भरती कराए गे हे।