अब सटोरिया मन के धुर्रा छोड़ाही पुलिस, कहां के पुलिस हो गे हे सटोरिया मन बर सख्त..

धमतरी. धमतरी पुलिस प्रसासन ह अब सट्‌टा खेलईया मन उपर सख्त हो गे हे। अलग-अलक थाना इळाका म पुलिस ह दू सटोरिया मन ल गेरफ्तार करे हे। जेखर पास ले नकदी के संगे-संग सट्‌टा पट्‌टी अऊ दिगर दस्तावेज बरामद करे गे हे।

बुधवार के सिटी कोतवाली थाना म पुलिस ल मुखबिर ले सूचना मिले रिहिस कि सहर के बनियापारा म एक मकान म आपोपी मन सट्‌टा खेलावत हे। ऐ सूचना ले पुलिस ओ मकान म दबिस दिस अऊ ऐ कार्रवाई ल करिस।

आरोपी जगत सोनी अऊ ओखर पिता ह सट्‌टा पट्‌टी के संग पकड़ा गे। जेखर मेर ले 50 हजार रुपिया नगदी घलो बरामद करे गिन। आरोपी मन के खिलाफ पुलिस ह धारा 4 (क) जुआ एक्ट के तहत कार्रवाई करे हे। बता देन कि जिला के पुलिस अधीक्षक डाहर ले जुआं, सट्टा अऊ अवैध शराब बर सख्त कार्रवाई करे के आदेश दे गे रिहिन। जेखर बाद पुलिस ह ए कार्रवाई ल अंजाम दिन।