“फेसबुक म कहे सॉरी” म नजर आही एक्शन हीरो दिलेश अऊ सुन्दर बाला हेमा , एन.माहि प्रोडक्शन के आय प्रस्तुति

जय जोहार रायपुर… छत्तीसगढ़ी फिलिम लव दीवाना के अभिनेता दिलेश साहू अऊ छॉलीवुड के सुन्दर बाला हेमा शुक्ला के जोड़ी ल ले के एल्बम के शूटिंग होइस , बता दन कि एखर निर्देशक हे मनोज दीप अऊ निर्माता आय एन.माहि प्रोडक्शन के मोहित साहू , सुनील सोनी के आवाज म फेसबुक म कहे सॉरी के गीत बहुत कर्णप्रिय हावे, ये गीत म दिलेश अऊ हेमा के जोड़ी बहुत शानदार नजर आवत हे ,

जब ये गीत के शूटिंग होवत रिहिस त देखईया मन पूछे ल लगिस कि कब होही ये गीत रिलीज , दर्शक मन ले अतना प्यार मिले ले दूनो कलाकार मन गदगद होगे, ये गीत म आर्टिस्ट मन के रूपसज्जा के काम प्रवीण राजपूत ह करे हे अऊ कैमरा चलाय हे संजय महतो, निर्माता मोहित साहू ह किहिस कि अब लगातार प्रोडक्शन जारी रही.