corona : प्रदेश म सरलग घटत हे कोरोना के सक्रिय मामला

जय जोहार…. कोरोना मरीज मन के बने होय अउ रोज कमती संख्या म नवा मरीज मिले के सेती प्रदेस म कोविड-19 के सक्रिय मामला के संख्या ह सरलग घटत हे। प्रदेस म अभी कोरोना संक्रमित मन के संख्या ह 185 हे।

प्रदेस के पांच जिला कबीरधाम, गरियाबंद, गौरेला-पेंड्रा-मरवाही, कोरिया अउ बलरामपुर-रामानुजगंज म कोरोना (corona) के एक घलो सक्रिय मरीज नई हे। अभी प्रदेस के औसतन पॉजिविटी दर 0.16 प्रतिसत हे।

प्रदेश के 16 जिला म 20 अक्टूबर के कोरोना के कोनो नवा मामला नई आय हे। ए दिन प्रदेस भर म 21 हजार 875 सैंपल के जांच म 34 मनखे मन ह कोरोना संक्रमित पाय गेहे।

राजनांदगांव, बालोद, बेमेतरा, कबीरधाम, महासमुंद, गरियाबंद, मुंगेली, गौरेला-पेंड्रा-मरवाही, सरगुजा, कोरिया, सूरजपुर, बलरामपुर-रामानुजगंज, कोंडागांव, दंतेवाड़ा, कांकेर अउ नारायणपुर जिला म 20 अक्टूबर के कोरोना (corona) संक्रमण के एक घलो मामला नई आय हे।