जय जोहार…. एक्ट्रेस (actress) ऐश्वर्या अर्जुन ह कोरोना पाजिटिव पाय गे हे। एक्ट्रेस ह अपन इंस्टा स्टोरी म कोविड 19 पाजिटिव होय के जानकारी दे हे।
(actress) ऐश्वर्या अर्जुन ह मशहूर तमिल, तेलुगू अउ कन्नड अभिनेता अउ फिल्मकार अर्जुन सरजा के बेटी हे। जेला लोगन मन ह एक्शन किंग के नाम ले जानत हे।
कोरोना महामारी के सती देश म कई नामी चेहरा ह कोरोना के चपेट म आ गे हे, जेमा अमिताभ बच्चन घलो शामिल हे। अमिताभ बच्चन ल नानावटी अस्पताल के आइसोलेशन वार्ड म भर्ती कराय गे हे।
ऊहचे ओखर बेटा अभिषेक बच्चन, बहू ऐश्वर्या राय बच्चन अउ पोती आराध्या घलो नानावटी अस्पताल म भर्ती हे।
बता देन कि अमिताभ बच्चन के परिवार अउ अनुपम खेर के परिवार के बाद रवि किशन के पीए घलो कोरोना पाजिटिव पाय गे हे। उहचे सारा अली खान के ड्राइवर घलो कोरोना संक्रमित मिले हे। एती एक्ट्रेस (actress) रेखा ल घलो होम क्वारेंटाइन करे गे हे।
