जय जोहार रायपुर… गांव गांव म चुनाव के बिगुल बाज गे हे, प्रत्याशी मन जनता के बीच पहुँचत हे अऊ समर्थन माँगत हे, छत्तीसगढ़ी सिनेमा के अभिनेत्री तारा साहू ह घलो ये बार चुनाव मैदान म हे, वो ह शिक्षा अऊ स्वास्थ्य के मुद्दा ल ले के जनता के बीच जावत हे जिन्हा ओला महिला अऊ युवा मतदाता मन के भारी जनसमर्थन मिलत हे.
जिला पंचायत रायपुर के क्षेत्र क्रमांक १५ ले तारा ह अपन किस्मार आजमात हे, तारा ह अपन जीत के प्रति आश्वस्त हे काबर कि लोगन मन किहिन कि अब तक जेन जेन प्रतिनिधि मन रिहिन तेन मन निष्क्रिय रिहिन.
बता दन कि क्षेत्र क्रमांक १५ म लगभग २७ गांव आथे जेमा बेरोजगारी एक बहुत बड़े समस्या आय जेला दूर करे के भरसक प्रयास के वादा तारा साहू करत हे , सघन जनसम्पर्क के माध्यम ले तारा ह गांव गांव जावत हे अऊ सब्बो ले जिताय के अनुरोध करत हे, तारा साहू के चुनाव चिन्ह हे फावड़ा बेलचा.
