mahasamund :पीजी कॉलेज म 25 लाख रुपिया के लागत ले बनही अतिरिक्त कक्ष, संसदीय सचिव के पहल म बजट म करे गेहे प्रावधान
जय जोहार। (mahasamund) सासकीय महाप्रभु वल्लभाचार्य पीजी महाविद्यालय म 25 लाख रुपिया के लागत ले अतिरिक्त कक्ष के निर्माण होही। उहें सासकीय माता कर्मा कन्या महाविद्यालय म स्नातकोत्तर के कक्षा प्रारंभ होही । संसदीय सचिव अउ विधायक विनोद सेवनलाल चंद्राकर के परयास के सेती अवइया बजट म एखर बर प्रावधान करे गेहे । एखर आलावा संसदीय सचिव अउ विधायक श्री चंद्राकर के पहल म बजट म क्षेत्र म करोड़ो रुपिया के विकास काम के सौगात मिले हे ।
मिले जानकारी के अनुसार (mahasamund) सासकीय महाप्रभु वल्लभाचार्य पीजी महाविद्यालय म अतिरिक्त कक्ष के मांग ल करे जात रिहीन। जेला गंभीरता ले लेत हुये संसदीय सचिव श्री चंद्राकर ह सासन ल ध्यानाकर्षित कराइन । एखर बाद अतिरिक्त कक्ष बर 25 लाख रुपिया बजट म प्रावधान करे गेहे । उहें सासकीय माता कर्मा कन्या महाविद्यालय म स्नातकोत्तर प्रारंभ करे जाय बर घलो मांग करे जात रिहीन।
एला घलो (mahasamund) संसदीय सचिव श्री चंद्राकर ह गंभीरता ले लीन। ए दिसा म मुख्यमंत्री भूपेश बघेल अउ उच्च शिक्षा मंत्री ले मुलाकात कर ध्यानाकर्षित कराइन । जेखर बाद सासकीय माता कर्मा कन्या महाविद्यालय म स्नातकोत्तर प्रारंभ करे जाय ल बजट म घोसना करे गीन हे। एखर आलावा सोरिद म 75.23 लाख रुपिया के लागत ले हाईस्कूल भवन के सौगात मिले हे । अइसने पासीद म 73.73 लाख रुपिया के लागत ले हाईस्कूल भवन निर्माण बर बजट म प्रावधान करे गेहे ।
