आदिवासी नोनी मन बेमार, हॉस्टल म अव्यवस्था के चलत 12 झन  अस्पताल  म

जशपुर.  विकासखंड मुख्यालय के नज़दीक स्थित आदिवासी बालिका आश्रम आदिवासी नोनी मन बेमार होवत हे. लगातार नोनी मन के तबीयत बिगड़च जात हे. उमन  ल आनन फ़ानन म इलाज बर मनोरा सामुदायिक स्वास्थ्य केंद्र म इलाज  बर भर्ती कराय गिस हे.

अस्पताल के बीएमओ डाक्टर रोशन बरियार ह बताइन के, बालिकामन के तबियत एक संग कइसे बिगड़िस ये जाँच के विषय हे.  उमन बताइन के, बदलत मऊसम के वजह ले  अउ बाहिर के कुछु खाए ले तबियत बिगड़त हे. शनिवार के बिहनिया ले अस्पताल म बालिका मन ल एक-एक कर के लाए के सिलसिला जारी हवय. अब तक तकरीबन 12 नोनी मन ल अस्पताल म  भर्ती कराये जा चुके हे.

एक के बाद एक कर दर्जन भर नोनी के बीमार पड़ जाए ले आश्रम के बालिका मन म  दहसत के माहऊल हे.. कुछु  नोनी मन छुट्टी लेके घर जाए के तइयारी म जुटीस हे. जाहिर हे के एक संग बड़का तादाद म लड़की मन ह बीमार पड़े पाछू हॉस्टल प्रबंधन के लापरवाही रिहिस हो ही. जेखर ले फिलहाल प्रबंधन पल्ला झाड़त हवय.