Raipur : सम्बलपुर एनीकट निर्माण बर मिले हे 2.37 करोड़ रुपिया के स्वीकृति

जय जोहार । (Raipur) छत्तीसगढ़ सासन के जलसंसाधन विभाग मंत्रालय डहार ले मुंगेली जिला के विकासखण्ड मुंगेली के अंतर्गत टेसुवा नाला म ग्राम सम्बलपुर के तीर एनीकट निर्माण बर 2 करोड़ 37 हजार 5 हजार रुपिया के पुनरीक्षित प्रसासकीय स्वीकृति ल मुख्य अभियंता हसदेव कछार बिलासपुर ल प्रदान करे गेहे । ए एनीकट के निर्माण ले पेयजल, निस्तारी अउ भू-जल संवर्धन के संगेसंग किसान ल स्वयं के साधन ले पानी लिफ्ट कर 100 हेक्टेयर म सिंचाई बर जल उपलब्ध हो सकही।

घटोई नाला म एनीकट निर्माण बर मिलीन 1.52 करोड़ के प्रसासकीय स्वीकृति

छत्तीसगढ़ सासन के जलसंसाधन विभाग मंत्रालय डहार ले जांजगीर-चांपा जिला के डबरा विकासखण्ड के अंतर्गत घटोई नाला म हरदीडीह के डबरा के मध्य एनीकट निर्माण बर एक करोड़ 52 लाख 49 हजार रुपिया प्रसासकीय स्वीकृति मुख्य अभियंता हसदेव कछार बिलासपुर ल प्रदान करे गेहे । ए एनीकट के निर्माण ले पेयजल अउ निस्तारी बर जल उपलब्धता के संगेसंग भू-जल संवर्धन अउ किसान ल स्वयं के साधन ले 50 हेक्टेयर म सिंचाई बर जल उपलब्ध हो सकही ।

लाडूखाई जलासय जीर्णाेंद्धार बर 1.41 करोड़ स्वीकृत

छत्तीसगढ़ सासन के जलसंसाधन विभाग मंत्रालय डहार ले रायगढ़ जिला के बरमकेला विकासखण्ड के अंतर्गत लाडूखाई जलासय के जीर्णाेंद्धार बर एक करोड़ 41 लाख 58 हजार रुपिया पुनरीक्षित प्रसासकीय स्वीकृति मुख्य अभियंता हसदेव कछार बिलासपुर ल प्रदान करे गेहे । ए जलासय के जीर्णाेंद्धार ले एखर सिंचाई क्षमता म 61 हेक्टेयर के कमी के पूर्ति होही ।