chhattisgarh : 7 एकलव्य विद्यालय भवन के अधोसंरचना काम बर मिलीन हे 35 करोड़ रुपिया के प्रसासकीय स्वीकृति
जय जोहार। (chhattisgarh) आदिम जाति अउ अनुसूचित जाति विकास विभाग डहार ले राज्य के 7 एकलव्य आदर्श आवासीय विद्यालय के भवन के अधोसंरचना काम बर 35 करोड़ रुपिया के प्रसासकीय स्वीकृति ल प्रदान करे गेहे । एमा एकलव्य आदर्श आवासीय विद्यालय मैनपाट जिला सरगुजा, शिवप्रसादनगर जिला सूरजपुर, करपावंड जिला बस्तर, लामकन्हार (अंतागढ़) जिला कांकेर, छोटेमुड़पार (खरसिया) जिला रायगढ़, सन्ना जिला जशपुर अउ तरेगांव जंगल जिला कबीरधाम सामिल हैं।
हरेक विद्यालय बर पांच-पांच करोड़ रुपिया के प्रसासकीय स्वीकृति प्रदान करे गेहे । (chhattisgarh) आदिम जाति अउ अनुसूचित जाति विकास विभाग डहार ले मंत्रालय ले जारी प्रसासकीय स्वीकृति आदेस अनुसार ए सात एकलव्य आदर्श आवासीय विद्यालय के उन्नयन बर प्रति विद्यालय 5 करोड़ रुपिया के मान ले प्रसासकीय स्वीकृति दे गेहे।
(chhattisgarh) हरेक विद्यालय बर स्वीकृत रासि ले आहाता निर्माण, प्राचार्य आवास, उच्च श्रेणी शिक्षक क्वार्टर, आई.टाइपक्वार्टर के निर्माण विद्युतीकरण अउ सेनेटरी काम सहित अध्ययन कक्ष, मेडिकल रूम, लाईब्रेरी, स्टोर, कामन रूम अउ शौचालय के निर्माण, एकलव्य परिसर का जीर्णोद्धार अउ दूसर काम कराये जाही ।
