chhattisgarh: बारहवीं के प्राप्तांक के आधार म मिलही कृषि विश्वविद्यालय म एडमिशन, 10 सितंबर तक कर सकत हे आनलाइन आवेदन

जय जोहार…. कोरोन संक्रमण काल के दौरान (chhattisgarh) इंदिरा गांधी कृषि विश्वविद्यालय के अंतर्गत संचालित शासकीय अऊ निजी कृषि महाविद्यालय म शैक्षणिक सत्र 2020-21 म प्रवेश बर 10 सितंबर तक आनलाइन आवेदन करे जा सकत हे।

जानकारी के मुताबिक (chhattisgarh) ए महाविद्यालय म बीएसएसी कृषि आनर्स अऊ बीएसएसी उद्यानिकी आनर्स पाठ्यक्रम के प्रथम वर्ष म कक्षा बारहवीं के अर्हकारी अंक विज्ञान समूह म, कृषि समूह म, कृषि बर उपयोगी विज्ञान अऊ गणित तत्व, फसल उत्पादन अऊ उद्यान शास्त्र, पशुपालन अऊ कुक्कुट पालन तत्व विषय के कुल प्राप्तांक के आधार म आनलाइन काउंसिलिंग प्रक्रिया ले प्रवेश दे जाही।

(chhattisgarh) प्रवेश के इच्छुक सबो विद्यार्थी मन ल 12 अगस्त ले 10 सितंबर तक पंजीयन कराना अनिवार्य होही। बारहवीं के परीक्षा म उत्तीर्ण सबो अभ्यर्थी आनलाइन पंजीयन करा सकत हे।