एक बार फेर किसान मन ल  बड़का राहत दे के ऐलान

बेमउसम बारिस ले प्रभावित किसान मन ल दे जाही सहायता रासि : छत्तीसगढ़ सरकार

रायपुर : छत्तीसगढ़ सरकार ह एक बार फेर  किसान मन ल बड़का राहत दे के ऐलान करिस हे. राज्य म बेमउसम बारिस अउ ओलावृष्टि ले फसल मन ल पहुंचे क्षति के जानकारी कलेक्टर म ले मंगाए गेहे. संगे- संग राजस्व अउ आपदा प्रबंधन विभाग के सचिव ह सबो कलेक्टर मन ल पत्र लिख के 15-16 फरवरी तक फसल मन के होए क्षति के घलो जानकारी मांगे हे.

कलेक्टर मन ल आदेस दे गेहे के प्रभावित क्षेत्र म राजस्व अउ कृषि विभाग के अधिकारी मन के टीम ले रबी फसल के क्षति के आंकलन कराए जाए. संगेच 33 फिसदी ले अधिक फसल क्षति हो के स्थिति म किसान मन लराजस्व परिपत्र (6-4) म दर्शाए प्रावधान के मुताबिक सहायता रासि दे जाही.

बता देन, छत्तीसगढ़ म नवां सरकार के आत ही किसान मन के ऋण माफी सुनिश्चित करे रहिस हे. उंखर संगेच हाल म जगदलपुर पहुंचे राहुल गांधी ह किसान सम्मेलन म टाटा जमीन अधिग्रहित किसान मन ल उंखर जमीन के पट्टा लउटा दिस हे. बहरहाल लोकसभा चुनाव नजदीक हे. कांग्रेस किसान मन के बीच अपन पैठ मजबूत रखे के प्रयास म जुटे हुए हे.