रबी फसल बर किसान मन ल मिलिस 336 करोड़ रूपया के कृषि ऋण
रायपुर। छत्तीसगढ़ म 16.41 लाख हेक्टयर क्षेत्र म चना, गेंहू, मटर, अलसी, सरसों, मक्का, रागी सहित विभिन्न रबी फसल के बोनी हो चुके हे, जेन कुल बोनी के 85 प्रतिशत हे।
कृषि विभाग के अधिकारी मन ह बतायिन कि मुख्यमंत्री विष्णु देव साय के पहल म खरीफ सीजन के तरह रबी सीजन बर घलो अल्पकालीन कृषि ऋण के घलो प्रावधान करे गिस हे। अब तक किसान मन ल रबी फसल बर 336 करोड़ रूपया के ऋण राशि प्रदाय करे जा चुके हे। रबी फसल बर ए बछर 2.89 लाख क्विंटल प्रमाणित बीज के वितरण के लक्ष्य रखे गिस हे, जेमा 1.63 लाख क्विंटल बीज के भण्डारण करके 1.46 लाख क्विंटल बीज वितरित करे गिस हे, जेन भण्डारण के 90 प्रतिशत हे।
इही प्रकार रबी फसल बर राज्य म 4.65 लाख मीट्रिक टन उर्वरक वितरण करे के लक्ष्य के विरूद्ध अब तक 5.58 लाख मीट्रिक टन उर्वरक मन के भण्डारण कर 2.20 लाख मीट्रिक टन उर्वरक के वितरण करे गिस हे जेन कुल भण्डारण के 39 प्रतिशत हे।
