chhattisgarh : प्रधानमंत्री फसल बीमा योजना- कृषि मंत्री ह करीन ’मेरी पॉलिसी मेरे हाथ’ कार्यक्रम के प्रदेस व्यापी सुभारंभ
जय जोहार । (chhattisgarh) कृषि मंत्री रविंद्र चौबे ह आज रायपुर के अपन निवास कार्यालयम आयोजित संक्षिप्त कार्यक्रम म किसान मन ल प्रधानमंत्री फसल बीमा योजना के पॉलसी प्रदान कर प्रदेस व्यापी ’मेरी पॉलिसी मेरे हाथ’ वितरण कार्यक्रम के सुभारंभ करीन ।
कृषि मंत्री श्री चौबे ह ए मउका म 35 किसान मन ल पॉलिसी दस्तावेज के वितरण करीन अउ ओमन ल बधाई दीन । मेरी पॉलिसी-मेरे हाथ कार्यक्रम के तहत राज्य के सबो बीमित किसान मन ल सितम्बर माह म पॉलिसी के वितरण करे जाही ।
बता देन कि खरीफ सीजन 2022 म राज्य के लगभग 13 लाख 95 हजार 369 किसान मन ह अपन फसल के बीमा प्रधानमंत्री फसल बीमा योजना के अंतर्गत कराइन हे । एमा कृषक अंस के 161.89 करोड़, राज्यांस 535.17 करोड़ अउ केन्द्रांस के रूप म 535.17 करोड़ के प्रीमियम के रासि हे । उल्लेखनीय हे कि बछर 2021-22 म खरीफ अउ रबी के फसल बर छत्तीसगढ़ ले कुल 16 लाख 9 हजार 646 किसान मन ह योजना के अंतर्गत बीमा कराए रिहीन , जेमा ले 6 लाख 89 हजार 324 किसान मन ल बीमित रासि के रूप म 1340.48 करोड़ के बीमा दावा भुगतान करे गे रिहीस ।
कार्यक्रम के दउरान संसदीय सचिव कुंवर सिंह निषाद, संचालक कृषि डॉ. अय्याज फकीर भाई तंबोली, संचालक उद्यान माधेश्वरन, संचालक मछली एन. एस. नाग, प्रधानमंत्री फसल बीमा के प्रभारी श्री मिश्रा उपस्थित रिहीन ।
