रायपुर। कृषि मंत्री रामविचार नेताम ह बलरामपुर मुख्यालय म तहसील कार्यालय के तीर 48.03 लाख रुपया के लागत ले बने नवनिर्मित अनुविभागीय अधिकारी (राजस्व) कार्यालय के लोकार्पण करिन। ए अवसर म मंत्री नेताम ह कहिन कि ए कार्यालय क्षेत्र के प्रशासनिक कार्य ल सरल अउ प्रभावी बनाए म मदद करही। ओमन ह एला जनता के सुविधा बर एक महत्वपूर्ण कदम बतात शुभकामनाएं दिन।
ए दौरान मंत्री नेताम ह विकास कार्य में पारदर्शिता अउ समयबद्धता म जोर दिन अउ कहिन कि सरकार आम जनता ल बेहतर सुविधा उपलब्ध कराए बर प्रतिबद्ध हे। ए अवसर म उपस्थित नागरिक मन ह नवा कार्यालय भवन बर सरकार अउ प्रशासन के आभार व्यक्त करिन। शुभारंभ अवसर म पिछड़ा वर्ग आयोग के सदस्य कृष्णा गुप्ता, जनपद पंचायत अध्यक्ष बलरामपुर विनय पैकरा, उपाध्यक्ष भानुप्रकाश दीक्षित, गणमान्य नागरिक ओमप्रकाश जायसवाल अन्य जनप्रतिनिधि सहित स्थानीय नागरिक मौजूद रहिन।
Other Articles
