Chhattisgarh: कृषि मंत्री रविंद्र चौबे ह लगवाइन हे कोरोना टीका के दूसरइया डोज, पढ़व

जय जोहार…. छत्तीसगढ़ (Chhattisgarh) के कृषि अउ जल संसाधन मंत्री रविंद्र चौबे ह सनिच्चर के पंडित जवाहर लाल नेहरू मेडिकल कालेज हास्पिटल म पहुंच के कोरोना वैक्सीन के दूसरइया टीका लगवाइन हे। एखर बाद मंत्री चौबे ह आधा घंटा तक चिकित्सक मन के निगरानी म रिहिन।

ए मउका म (Chhattisgarh) मंत्री चौबे ह कहिन कि राज्य के 45 बच्छर ले उप उमर के मनखे मन ले कोरोना ले बचाव बर अनिवार्य रूप ले टीका लगवाए के अपील करिन। वो हा कहिन कि जइसे कि आप मन सबो मनखे मन ल मालूम हे कि अवइया 1 मई ले राज्य सरकार के तरफ ले 18 बच्छर ले उपर उमर के मनखे मन ल कोरोना के मुफ्त टीका लगाए के अभियान के सुरुआत करे जात हे।

अईसे स्थिति म 1 मई ले कोरोना टीकाकरण केंद्र म मनखे मन के भीड़ बाढ जाही अउ टीका लगाए बर इंतजार करना होही। (Chhattisgarh) एखर ले बचे बर जरुरी हे कि 45 बच्छर ले उपर उमर के अईसे मनखे मन जेन अभी तक टीका ल नई लगवाए हे, ओ हा तत्काल अपन आसपास के वैक्सिनेशन सेंटर म पहुंच के टीका ल लगवा ले।