chhattisgarh : कृषि मंत्री रविंद्र चौबे ह करीन अक्ती तिहार के लोगो अउ प्रचार फिलीम के विमोचन
जय जोहार । (chhattisgarh) प्रदेस के कृषि मंत्री रविंद्र चौबे ह आज अपन निवास कार्यालय म इंदिरा गांधी कृषि विश्वविद्यालय डहार ले आयोजित करे जवइया अक्ती तिहार के लोगो अउ प्रचार फिलीम के विमोचन करीन । प्रचार फिलीम म मुख्यमंत्री भूपेश बघेल अउ कृषि मंत्री रविंद्र चौबे के वीडियो संदेस सामिल करे गेहे ।
अक्ती तिहार अक्षय तृतीया के अवसर म 3 मई 2022 के इंदिरा गांधी कृषि विश्वविद्यालय के अंतर्गत संचालित (chhattisgarh) प्रदेस के आने आने जिला म स्थित सबो कृषि महाविद्यालय अउ कृषि विज्ञान केंद्र म आयोजित करे जाही। कृषि मंत्री श्री चौबे ह इंदिरा गांधी कृषि विश्वविद्यालय के कुलपति डॉ गिरीश चंदेल ल अक्ती तिहार आयोजन के सफलता बर सुभकामना दीन हे ।
उल्लेखनीय हे कि इंदिरा गांधी कृषि विश्वविद्यालय डहार ले छत्तीसगढ़ सासन के कृषि अउ जैव प्रौद्योगिकी विभाग, बीज निगम अउ संस्था के सहयोग ले छत्तीसगढ़ के प्रमुख तिहार अक्षय तृतीया के अवसर म 3 मई के अक्ती तिहार व्यापक रूप ले मनाये जाही । ए दिन विश्वविद्यालय के अंतर्गत संचालित सबो महाविद्यालय, अनुसंधान केन्द्र अउ कृषि विज्ञान केन्द्र समेत लगभग 60 स्थान म अक्ती तिहार कारीकरम के आयोजन करे जाही ।
ए अवसर म कृषक, गौठान समिति अउ स्व-सहायता समूह के सदस्य ल खाद्यान – दलहन, तिलहन, सब्जी, चारा , फसल के बीज अउ पौध सामग्री विश्वविद्यालय डहार ले विकसित अउ प्रचलित लघु कृषि यंत्र-औजार के वितरण घलो करे जाही। कारीकरम के दउरान कृषक प्रसिक्षण अउ कृषक संगोष्ठी के आयोजन घलो करे जाही।
