कृषि मंत्री रविंद्र चौबे ह घलो लिस फैसला, होली मिलन समारोह म नई होही शामिल
जय जोहार रायपुर…. मुख्यमंत्री भूपेश बघेल के बाद अब कृषि मंत्री रविंद्र चौबे ह होली मिलन समारोह म शामिल नई होए के फैसला ले हे। कोरोना वायरस म केंद्र सरकार के एडवायजरी के बाद मंत्री ह ए फैसला ले हे।
कृषि मंत्री ह कहिन कि केंद्र सरकार ह कोरोना के बचाव बर कुछु बिंदु जारी करे हे। ओमा बड़े सभा समागम अऊ भीड़भाड़ के कार्यक्रम मन ले दूर रहे के नसीहत दे गे हे। मुख्यमंत्री ह पहल करत हुए ए बात के घोसना करिस कि ये वर्ष कहूं होली के कार्यक्रम म शामिल नई होही।
