अजीत जोगी ह उठाइस दिव्यांगों ले जुड़े मामला, अध्यक्ष ह सरकार ल दिस निर्देश- विधानसभा समेत शासकीय भवनों म करे उचित व्यवस्था

जय जोहार रायपुर…. पूर्व मुख्यमंत्री अजीत जोगी ह सदन म राष्ट्रीय नि:शक्त पुनर्वास कार्यक्रम म कार्य करत मितानों अऊ कार्यकर्ताओं के मानदेय के मामला ल उठाइस। वो हा सरकार ले पूछिस कि मानदेय म वृद्धि बर शासन के पास कतका आवेदन लंबित हे। कब तक मानदेय बढ़ा दे जाही। वो हा कहिन कि आप मन के जल घोषणा पत्र म एखर उल्लेख रहिस। जवाब म महिला बाल विकास मंत्री अनिला भेड़िया ह कहिन कि आने वाले दिनों म ये मा विचार करे जाही।

पूर्व मुख्यमंत्री अजीत जोगी ह कहिन कि दिव्यांगों ल मात्र 400 रूपिया मानदेय दे जात हे, जेन शर्मनाक हे। मंत्री ह कहिन कि 100 रूपिया यात्रा भत्ता बढ़ा दे गे हे।

अध्यक्ष चरण दास महंत ह कहिन कि ये मा गंभीरता ले विचार करे जाए अऊ जल्द निर्णय ले जाए। विधानसभा समेत सबो शासकीय भवनों म विकलांगों के आए-जाए बर उचित व्यवस्था करे। विधानसभा अध्यक्ष ह जानकारी दिस कि एखर पालन नई करे म छह माह के सजा के प्रावधान हे।