अखौरी राजेश सिन्हा ह बनिन जिंदल पॉवर लिमिटेड के चेयरमैन

रायगढ़। पॉवर ट्रेडिंग कॉर्पोरेशन के प्रमुख समूह सलाहकार अखौरी राजेश सिन्हा ल जिंदल स्टील एंड पॉवर लिमिटेड के सहायक कंपनी जिंदल पॉवर लिमिटेड के चेयरमैन नियुक्त करे गिन हे। सिन्हा ह एक पूर्व बैंकर हरे अउ वो ह देश अउ विदेश म कई ठन बैंक म उच्च पद म काम करे हे।

अखौरी राजेश सिन्हा ह भारतीय स्टेट बैंक म महत्वपूर्ण पद म 22 साला तक जुड़े रिहिन। 5 साल तक वो ह आईडीबीआई बैंक म अपन सेवा दे हे। 11 वर्षों तक वो ह रॉयल बैंक ऑफ कनाडा के प्रबंध निदेशक अउ कंट्री हेड के पद घलो काम करिन हे। सिन्हा ह भारतीय बैंकिंग संस्थान के प्रमाणित एसोसिएट घलो हरे। वो ह जिंदल स्टील एंड पॉवर लिमिटेड के मुख्य वित्तीय सलाहकार के रूप म घलो कार्यरत हे।

ये मौका म सिन्हा ह कहिन कि ’भारत म अपन स्वदेशी कच्चा माल के संसाधन के संग पॉवर सरप्लस देश बने के पूरा क्षमता है। हमन ल पूरा विश्वास हंवय कि 3400 मेगावाट क्षमता वाले जिंदल पॉवर लिमिटेड भारत सरकार के सबो बर सस्ता बिजली के लक्ष्य ल प्राप्त करे म महत्वपूर्ण भूमिका के निर्वहन करही।