जय जोहार…. (Raipur) छत्तीसगढ़ साहित्य महोत्सव अऊ 19 वां राष्ट्रीय पुस्तक मेला म पहला बोलत हिन्दी फिलिम आलम आरा के उपर लिखित पुस्तक के विमोचन होय हे। ए पुस्तक के लेख हे शिवानंद कामड़े। विमोचन समारोह म बिसेस रूप ले बालीवुड के सुप्रसिद्ध अभिनेता अन्नू कपूर ह सामिल होइन। ए कार्यक्रम म प्रदेश के शिक्षा मंत्री प्रेमसाय सिंह टेकाम के संगेसंग पत्रकार, साहित्यकार अऊ ख्याति प्राप्त लोगन मन घलो सामिल होय हे।
सुप्रसिद्ध लेखिका डॉ गीता शर्मा ह बताईस कि ये आयोजन ल छत्तीसगढ़ के लेखक मन ल नई, बलकी देश के लेखक मन के प्रकाशन के ओर ले उचित स्थान दे बर करे गे हे। सरस्वती बुक्स प्रकाशन के बेनर तले आयोजित ए समारोह म सुप्रसिद्ध लेखिका अऊ रेडियो उद्घोसिका शुभ्रा ठाकुर ह अभिनेता अन्नू कपूर के व्यक्तित्व अऊ ओखर फिलिम सफर के उपर अपन बात ल रखिन।
(Raipur) वो हा ओखर मिस्टर इंडिया फिलिम ले लेके कई रंगमंच म करे गे कार्य के घलो उल्लेख करिन। ओखर बात ल बड़ अकन धियान ले सुन के अन्नू कपूर ह काफी तारीफ करिन। संगेसंग अतिथि के स्वागत उद्बोधन बर लेखिका डॉ विभाषा मिश्र ह कहिन कि पुस्तक हमर मन के जीवन के अभिन्न अंग हे। ए अवसर म प्रकाशक के आगू आना हमन सब बर गौरव के बात हे।
डॉ. गीता शर्मा ह कहिन कि अइसनहे आयोजन ले सबो लेखक अऊ लेखिका मन ल हिम्मत मिलत हे। अईसे आयोजन होना चाही। कार्यक्रम के अंत म सुप्रसिद्ध गीतकार डॉ. चम्पेश्वर गोस्वामी ह अतिथि मन के आभार व्यक्त करिन। (Raipur) पुस्तक आयोजन के संबंध म प्रदेश के मंत्री प्रेमसाय सिंह टेकाम ह घलो बड़ अकन प्रशंसा करिन।
वो हा कहिन कि अईसे आयोजन म सामिल होके ओ मन ल सुखत अनुभूति होवत हे। अभिनेता अन्नू कपूर ह बालीवुड के कई बात के जिक्र करिन। अपन बेबाक अंदाज म अन्नू कपूर ह एक ले बाढ़ के घटना के जिक्र करिन। ए दौरान लोगन मन ह खूब हंसत रिहिन अऊ खूब आनंद लेवत रिहिन।
