Chhattisgarh: कोरोना के स्थिति म विचार अउ विमर्श बर काली होही सर्वदलीय बइठक, पढ़व

जय जोहार…. (Chhattisgarh) प्रदेश म कोरोना वायरस के प्रसार के रोकथाम के संबंध म विचार अउ विमर्श बर काली सर्वदलीय बइठक होवइया हे। ए बइठक ह दोपहर 12 बजे ले सुरु होही।

एखर बाद सामाजिक संगठन के प्रतिनिधि मन के संग दोपहर 1 बजे ले बइठक के आयोजन करे गे हे। (Chhattisgarh) राज्यपाल सुश्री अनुसुईया उइके अउ सीएम भूपेश बघेल के उपस्थिति म सीएम निवास म वीडियो कांफ्रेंसिंग ले वर्चुअल रूप ले ए बइठक होही।

(Chhattisgarh) जेमा सबो राजनीतिक अउ समाज प्रमुख ल राज्य शासन के तरफ ले अभी तक कोरोना संक्रमण के नियंत्रण अउ उपचार बर उठाये गे कदम के जानकारी दे जाही। संगेसंग कोरोना संक्रमण के नियंत्रण अउ बचाव के तरीका म ओखर सुझाव ले जाही।