चाट अऊ चाउमीन समेत सब्बो स्ट्रीट फूड के दुकान ह खुलही, प्रदेश सरकार ह शर्त के संग दे हे अनुमति

जय जोहार…. सड़क बाजू ठेला अऊ दुकान लगा के खाये-पीये के समान बेचइया ल घलो राज्य सरकार ह दुकान खोले के अनुमति दे दे हे। ए अनुमति ल शर्त के संग दे गे हे। नगरीय प्रशासन अऊ विकास विभाग के तरफ ले जारी आदेश के अनुसार स्ट्रीट फूड वेंडर ल सिरिफ पार्सल के सुविधा के संग दुकान लगाय के अनुमति होही।

नगरीय प्रशासन अऊ विकास विभाग ह सब्बो कलेक्टर, नगर निगम के आयुक्त अऊ नगरीय निकाय के मुख्य नगर पालिका अधिकारी मन ल ए निर्देश के कड़ाई ले पालन सुनिश्चित करे के निर्देश दे हे।