जय जोहार…. केन्द्र सरकार के तरफ ले संसद म पारित तीन किसान बिल के पक्ष म बुधवार के (BJP) केन्द्रीय मंत्री संजीव बालयान ह रायपुर म पत्रकार मन ले चर्चा करिन। ए अवसर म केन्द्रीय मंत्री संजीव बालयान ह कहिन कि छत्तीसगढ़ समेत पूरा देश म कांग्रेस ह ए बिल ल गलत बता के विरोध करत हे।
जबकि कांग्रेस ह लोकसभा चुनाव म अपन घोसना पत्र म बिल के आवश्यकता होय के बात कह के लागू करे के बात कहे रिहिन। (BJP) वो हा बताईस कि केंद्र सरकार ह ए बिल ल कांग्रेस के सहमति ले ही ले के आय हे।
केन्द्र के तीनो बिल ल किसान मन के हित म पारित करे गे हे। पूर्व म किसान मन ल अपन फसल देश म कहीं बेचे ले वंचित रखे गे रिहिन, लेकिन आजादी के बाद ले किसान ह ये मांग उठात रिहिन कि ओ मन ल घलो अपन फसल ल कहीं बेचे के अधिकार दे जाए। जादातर राजनीतिक दल घलो ए पक्ष म रिहिन, जेला (BJP) केंद्र के मोदी सरकार ह पूरा करिन।
