Jagdalpur: 21 सितम्बर ले सुरू होही एलायंस एयरवेज के उड़ान सेवा, पढो पूरा खबर
जय जोहार…. (jagdalpur) जिला प्रशासन के प्रयास ले 21 सितम्बर ले सुरू करे जावत एलायंस एयरवेज उड़ान सेवा ले बस्तर वासी मन ल अब हैदराबाद ले जगदलपुर अऊ रायपुर बर सीधा उड़ान सेवा के सौगात मिलही।
एमा जगदलपुर ले रायपुर तक के यात्रा बर न्यूनतम 1270 रूपिया अऊ जगदलपुर ले हैदराबाद के यात्रा बर न्यूनतम 1405 रूपिया होही।
(Jagdalpur) सीएम भूपेश बघेल ह 21 सितम्बर के वीडियो कांफ्रेंसिंग ले आरसीएस स्कीम के तहत जगदलपुर ले हैदराबाद अऊ रायपुर बर नवा उड़ान सेवा के शुभारंभ करही। ए दौरान सीएम बघेल ह वीडियो कांफ्रेंसिंग ले यात्री मन ले बातचीत घलो करही।
(Jagdalpur) तय कार्यक्रम के तहत विमान तल म विशेष अतिथि मन के बिहिनिया 10.30 बजे तक आगमन होही। एखर बाद बिहिनिया 11.05 बजे सीएम बघेल ह विमान सेवा के शुभारंभ करही अऊ यात्री मन ले बातचीत करही।
बिहिनिया 11.30 ले 11.40 बजे तक अवइया विमान के पानी ले स्वागत, केंद्रीय मंत्री हरदीप सिंह पूरा के सन्देश अऊ सीएम बघेल के तरफ ले अवइया यात्री मन ल सन्देस दे जाही।
