बोचकु अऊ प्रदीप शर्मा के जोड़ी गुद्गुदाही, जय भोले मया म डोले म कमाल अभिनय

जय जोहार रायपुर… छत्तीसगढ़ी सिनेमा म दू हास्य कलाकार प्रदीप शर्मा अऊ संतोष निषाद के जोड़ी ह बहुत दिन बाद देखे ल मिलही, जय भोले मया म डोले फिलिम म दूनो कलाकार एक होटल मालिक अऊ वेटर के किरदार म नजर आही.फिलिम थोड़ा हास्य अऊ जासूसी के रंग म रंगे हे एखर सेती ये कलाकार मन कमाल के अभिनय करत नजर आही.

इंखर आलावा जय भोले मया म डोले म रजनीश झांझी अऊ संजय महानंद के अदाकारी ले घलो दर्शक मन जुड़ही. फिल्म के निर्देशक अमन हुसैन ह बताइस कि ए बार चुन चुन के कलाकार चयन करे गिस, एखर पहिली अमन ह पठौनी के चक्कर म दर्शक मन ल हंसा हंसा के लोटपोट कर चुके हे.