raipur: लॉकडाउन के आदेश म हो गे संशोधन, नई खुलही किराना के दुकान
जय जोहार…. राजधानी रायपुर (raipur) म कोरोना वायरस के सती कलेक्टर एस भारतीदासन ह 22 जुलाई ले 28 जुलाई तक लॉकडाउन करे के फइसला ले हे। ए लॉकडाउन म किराना के दुकान ल घलो बंद रखे जाही।
उहचे लॉकडाउन के दौरान सिरिफ पेट्रोल पंप, सब्जी अउ मेडिकल के दुकान ल बिहिनिया 6 ले 10 बजे तक खोले के छूट दे गे हे।
(raipur) कलेक्टर एस भारतीदासन अउ एसएसपी अजय यादव ह आज संयुक्त प्रेस कॉन्फ्रेंस कर 22 जुलाई ले 28 जुलाई तक राजधानी ल टोटली लॉकडाउन के निर्देश जारी करिन।
कलेक्टर एस भारतीदासन ह कहिन कि रायपुर म सिरिफ अतिआवश्यक सेवा अउ ओमा सम्मिलित कर्मचारी मन ल ही छूट दे जाही। बाकी कोनो व्यक्ति ल बाहर घूमे के अनुमति नई दे जाही।
ए बार कोनो घलो तरह के कोई रियायत नई दे जाही। फल, दूध अउ सब्जी के दुकान ल बिहिनिया छह बजे ले 10 बजे तक खुले रखे के अनुमति होही।
सरकारी दफ्तर अउ निगम-मण्डल के दफ्तर ह बन्द रही। शर्त के संग उद्योग ह संचालित होही। (raipur) पेट्रोल पंप ह दोपहर तीन बजे तक ही संचालित होही।
बस, आटो, टैक्सी समेत सब्बो सार्वजनिक परिवहन ह बन्द रही। मॉल, सुपर मार्केट, कपड़ा, फैंसी स्टोर, स्टेशनरी समेत अइसे सब्बो दुकान ह बन्द रही।
