अमेरिका बर काली उड़ान भरही भूपेश, नव दिन रही बिदेश म

जय जोहार रायपुर… मुख्यमंत्री भूपेश बघेल 9 दिन बर विदेश प्रवास म जावत हे। ओखर संग म विधानसभा अध्यक्ष डॉ. चरणदास महंत भी रही। ए दौरान सेन फ्रांसिस्को, बोस्टन अउ न्यूयार्क समेत अन्य देश मन के यात्रा होही। सोमवार के दोपहर एक बजे ओमन बिलासपुर के चकरभाठा एयरस्ट्रिप ले दिल्ली बर रवाना हो गिस हे। मुख्यमंत्री रात्रि विश्राम दिल्ली म करही अऊ 11 फरवरी को अमेरिका बर उड़ान भरही , बता दन 19 फरवरी को सब्बो देश वापिस आ जाही। विदेश प्रवास म मुख्यमंत्री, विधानसभा अध्यक्ष के अलावा सीएम के प्रमुख सचिव गौरव द्विवेदी , एसीएस सुब्रत साहू, सीएम के सलाहकार प्रदीप शर्मा समेत अन्य अफसर मन के दल ह शामिल रही।