अमेरिका के कॉन्सल जनरल ह स्वास्थ्य मंत्री ले करिन चर्चा, कोविड 19 के स्थिति अऊ अर्थव्यवस्था के लिस जानकारी
जय जोहार…. मुंबई स्थित अमेरिका के वाणिज्यिक दूतावास के कॉन्सल जनरल डेविड जे. रॉज ह आज स्वास्थ्य मंत्री टीएस सिंहदेव ले चर्चा करिन अऊ प्रदेश म कोविड 19 के स्थिति अऊ एखर नियंत्रण बर करे जात उपाये के जानकारी लिस। अमेरिकी दूतावास के राजनीतिक अऊ आर्थिक विभाग के अधिकारी रॉबर्ट पॉलसन होजर ह घलो स्वास्थ्य मंत्री सिंहदेव से चर्चा कर प्रदेश के अर्थव्यवस्था ल गति दे बर सरकार के तरफ ले उठाये जात कदम के जानकारी लिस।
अमेरिकी कॉन्सल जनरल ल स्वास्थ्य मंत्री सिंहदेव ह बताइस छत्तीसगढ़ म जनवरी महीना ले ही कोरोना वायरस के संक्रमण ले निपटे बर तैयारी शुरू कर दे गे रहिस। प्रदेश म अभी कोरोना वायरस के आरटी-पीसीआर जांच चार लैब म होवत हे। शुरूआती दौर म केवल एम्स म ही एखर सुविधा रहिस। राज्य शासन के तरफ ले 75 हजार आरडी किट के खरीदी कर बेहतर सर्विलांस सुनिश्चित करे जात हे।
मंत्री सिंहदेव ह बताइस कि कोविड 19 संक्रमित मन के इलाज बर प्रदेश के कई चिकित्सा संस्थान म आवश्यक संसाधन ल जुटा के करीब आठ हजार बिस्तर ल तैयार करे जात हे। वो हा बताइस कि कोरोना वायरस ले संक्रमित 36 मरीज ह उपचार के बाद स्वस्थ हो चुके हे।
