Godhan Nyaay Yojna : सीएम ह करीन पशुपालक, गोठान समिति अउ स्वसहायता समूह के खाता म 5.24 करोड़ रुपिया के रासि अंतरण, पढ़व

जय जोहार…. (Godhan Nyaay Yojna) सीएम भूपेश बघेल ह आज अपन निवास कार्यालय म आयोजित कारीकरम म गोधन न्याय योजना के तहत पशुपालक, गौठान समिति अउ स्वसहायता समूह ल 5 करोड़ 24 लाख के रासि ओखर बैंक खाता म अंतरण करीन।

(Godhan Nyaay Yojna) मुख्यमंत्री बघेल ह किहीन कि साधारण सा लगइया गोधन न्याय योजना के लाभ ह असाधारण हैं। ये सिर्फ गोबर खरीदे अउ खाद बनाके बेचे के योजना नई हे , बल्की ए योजना के माध्यम ले महिला सशक्तिकरण, उद्यमिता विकास, किसान मन के आय म बढ़ोतरी, कृषि भूमि सुधार, उत्पादकता म वृद्धि, कृषि लागत म कमी, पशुधन विकास, खुली चराई म रोक, फसल संरक्षण, दुग्ध उत्पादन म बढ़ोतरी समेत कई ठिन लक्ष्य हासिल होवत हे।

मुख्यमंत्री बघेल ह ए अवसर म पशुपालक, गोबर विक्रेता ल 1 करोड़ 72 लाख, गौठान समिति ल 02 करोड़ 04 लाख अउ स्व सहायता समूह ल 01 करोड़ 48 लाख रुपिया के ऑनलाईन बैंक खाता म भुगतान करीन।

(Godhan Nyaay Yojna) ए अवसर म उद्योग मंत्री कवासी लखमा, मुख्यमंत्री के सलाहकार प्रदीप शर्मा, छत्तीसगढ़ राज्य खनिज विकास निगम के अध्यक्ष गिरीश देवांगन, अपर मुख्य सचिव सुब्रत साहू, कृषि उत्पादन आयुक्त कमलप्रीत सिंह अउ विशेष सचिव डॉ. एस भारतीदासन घलो उपस्थित रिहीन।