धमतरी। बैंक सखी के रूप म सबले ज्यादा ट्रांजेक्शन करके पूरा राज्य म पहला स्थान म रहने वाली श्रीमती पूर्णिमा साहू हा आज ना केवल नगरी ब्लॉक या धमतरी जिला, बल्कि पूरा राज्य के महिला मन बर एक मिसाल बन गे हें, जेमन घर के चारदीवारी ले निकलके बाहिर काम करे बर जाथें। राष्ट्रीय आजीविका मिशन ‘बिहान’ के तहत् गठित ‘नई किरण महिला स्व सहायता समूह’ के अध्यक्ष के रूप म काम करने वाली 36 वर्षीया श्रीमती पूर्णिमा साहू हा वनांचल नगरी के डोंगरडुला के रहने वाली हें।
वर्ष 2017 तक जउन महिला मन हा कामकाज बर घर से बाहर नई निकले रिहिन, आज ओमन बैंक सखी के रूप म माईक्रो ए.टी.एम के जरिए घर-घर पहुंचके लोगन ला सेवा देवत हें। ओमन बताथें कि उंकर द्वारा माइक्रो ए.टी.एम. म हितग्राही के आधार कार्ड अउ खाता नंबर दर्ज करके पूरा पारदर्शिता के साथ बैंकिंग सेवा दिए जावत हे। एमा धान, तेंदूपत्ता बोनस वितरण, मनरेगा मजदूरी भुगतान, फसल बीमा, प्रधानमंत्री आवास के किश्त मन के भुगतान, विद्यार्थी मन के स्कॉलरशिप, विभिन्न योजना मन के पेंशन वितरण आदि शामिल हें। उंकर द्वारा अब तक छः करोड़ रूपए ले अधिक के ट्रांजेक्शन कर लिए गे हे।
एकर अलावा एक माह म सर्वाधिक 43 लाख रूपए तक के ट्रांजेक्शन घलो ओमन हा करे हें। गौरतलब हे कि उंकर मेहनत अउ लगन के वजह से वोमन लगातार राज्य म सर्वाधिक ट्रांजेक्शन करने वाली बैंक सखी के रूप म उभरे हें। एकर एवज म ओमन ला कमीशन के रूप म 15 हजार रूपए तक आय घलो होए हे।
माइक्रो ए.टी.एम. के सबले ज्यादा उपयोग ओ क्षेत्र मन म किए जाथे, जउन हा शहर ले काफी दूर हे अउ जिहां बैंक या ए.टी.एम. लगाए के सुविधा नई हे। इस व्यवस्था के पहिली बैकिंग सेवा मन बर हितग्राही मन ला बैंक मन तक पहुंचे बर लंबा सफर तय करे बर पड़े, किन्तु बैंक सखी मन के जरिए ये सेवा देना आसान हो गे हे। जिला पंचायत के मुख्य कार्यपालन अधिकारी श्री विजय दयाराम के. हा बताईन कि जिला म छत्तीसगढ़ राज्य ग्रामीण आजीविका मिशन ‘बिहान’ के माध्यम ले बैंक सखी के रूप म महिला मन ला जोड़े जावत हे।
एकर ले ग्रामीण अउ दूरस्थ इलाका मन म बैकिंग सुविधा मुहैय्या कराए म काफी आसानी होए हे। चलित माइक्रो ए.टी.एम. के जरिए अब पेंशन वितरण, मजदूरी भुगतान, मनी ट्रांसफर जइसे काम बहुत आसान हो गे हें। देखे के बात ये हे कि जिला म राष्ट्रीय आजीविका मिशन के अब तक कुल 47 महिला मन ला बैंक सखी के रूप में नियुक्त करे गे हे, एकर से ना केवल उंकर आय म वृद्धि होवत हे, बल्कि ग्रामीण मन ला भी बैकिंग सुविधा बिना वक्त गंवाए मिलत हे।
