जय जोहार…. (Balodabazar District) बलौदाबाजार जिला के कलेक्टर सुनील कुमार जैन ह आंगनबाड़ी केंद्र म रिक्त पद के भर्ती ल जल्दी करने के निर्देश दे हे। ए जिला म आंगनबाड़ी कार्यकर्ता के 110 अऊ सहायिका के 223 पद रिक्त हे। एमा भर्ती के प्रक्रिया ह जारी हे।
(Balodabazar District) कलेक्टर सुनील कुमार जैन ह योजना के बेहतर क्रियान्वयन बर स्वास्थ्य अऊ महिला-बाल विकास विभाग ल आपसी तालमेल अऊ मिल जुल के काम करे ल कहे हे। वो हा कहिन कि महिला अऊ लईका मन ल सुपोसित अऊ स्वस्थ बनाये रखना दुनो विभाग के संयुक्त जिम्मेदारी हे। कलेक्टर ह आज जिला पंचायत सभाकक्ष म महिला अऊ बाल विकास विभाग, स्वास्थ्य विभाग के कामकाज के समीक्षा बर आयोजित बइठक ल संबोधित करत रिहिन।
कलेक्टर ह दू पाली म दुनो विभाग के जिला स्तरीय, विकासखंड अऊ सेक्टर स्तर के अधिकरी मन के बइठक म योजना के विस्तार ले समीक्षा करे हे। (Balodabazar District) ए बइठक म जिला पंचायत सीईओ डॉ फरिहा आलम सिद्दीकी, संयुक्त कलेक्टर अऊ स्वास्थ्य विभाग के प्रभारी टेकचन्द्र अग्रवाल, सीएमएचओ डॉ खेमराज सोनवानी, सिविल सर्जन डॉ राजेश अवस्थी उपस्थित रिहिन।
