Durg: मोर ग्राम कुष्ठ मुक्त ग्राम बनाय ल आंगनबाड़ी कार्यकर्ता अऊ मितानिन ह घर-घर देही दस्तक

जय जोहार…. (Durg) दुर्ग जिला ल कुष्ठ मुक्त करे के बिसेस जांच अऊ खोज अभियान के शुरुआत ल पाटन ब्लाक ले करे गे हे। राष्ट्रीय कुष्ठ उन्मूलन कार्यक्रम के तहत मोर ग्राम कुष्ठ मुक्त ग्राम के परिकल्पना ल आधार बना के कार्य योजना तैयार करे गे हे।

चर्म रोग निदान अऊ उपचार अभियान के तहत (Durg) जिला के पाटन ब्लाक म घर-घर सर्वे बर 9 नॉन मेडिकल असिस्टेंट दल लगाय गे हे। ए कार्यक्रम के शुभारंभ ल सामुदायिक स्वास्थ्य केंद्र पाटन म जनपद पंचायत उपाध्यक्ष देवेंद्र बेलचंदन अऊ नगर पंचायत पाटन के उपाध्यक्ष बलदाऊ भाले ह करिन।

(Durg) मुख्य चिकित्सा अऊ स्वास्थ्य अधिकारी डॉ. गंभीर सिंह ठाकुर ह बताइस कि ब्लाक म घर-घर सर्वे बर 9 नॉन मेडिकल असिस्टेंट दल के तरफ ले हर दिन 9 ग्राम पंचायत के आंगड़बाड़ी अऊ मितानिन ल गुष्ठ रोग के बिसेस जांच अऊ खोज बर प्रशिक्षण दे जाही