जय जोहार…. (chhattisgarh) गृह मंत्री अउ कोरिया जिला के प्रभारी मंत्री ताम्रध्वज साहू ह आज जिला मुख्यालय बैकुण्ठपुर के तीर ग्राम पंचायत आनी म पौध रोपण कर के वन प्रदर्सन प्रक्षेत्र के सुभारंभ करीन। गृह मंत्री साहू ह बरगद के पौधा अउ सांसद श्रीमती ज्योत्सना महंत ह पीपल के पौधा लगाइन हे।
अइसने सरगुजा क्षेत्र विकास प्राधिकरण के उपाध्यक्ष गुलाब कमरो, संसदीय सचिव श्रीमती अंबिका सिंहदेव, मनेन्द्रगढ़ विधायक डॉ. विनय जायसवाल समेत आन अनेक जनप्रतिनिधि मन ह वन प्रदर्सन प्रक्षेत्र म आने पौधा के रोपण करीन। ग्राम पंचायत आनी के कुल 26 एकड़ क्षेत्र म गौठान चारागाह के अतिरिक्त 21 एकड़ क्षेत्रफल ल प्रदर्सन वन प्रक्षेत्र के रूप म विकसित करे जावत हे ।
उल्लेखनीय है कि (chhattisgarh) मुख्यमंत्री भूपेश बघेल की मंसा के अनुरूप मुख्यमंत्री वृक्षारोपण प्रोत्साहन योजना के तहत सबो जिला मुख्यालय के तीर वन प्रदर्सन प्रक्षेत्र तैयार करे के निर्देस दे गे हे। गृह मंत्री ताम्रध्वज साहू ह आज प्रदेश के पहला वन प्रदर्सन प्रक्षेत्र के सुभारंभ करीन।
वो हा किहिन कि जिला प्रसासन डहार ले आने विभाग के समन्वय ले बनाए जावत वन प्रदर्सन प्रक्षेत्र आनी के अलग ही पहिचान बनहि। (chhattisgarh) फलदार पौधा के बीच औषधि पौधा के खेती अउ नर्सरी के तैयारी ह एक ठिन अभिनव पहल है। अवइया बेरा म कोरिया के ये वन प्रदर्सन प्रक्षेत्र प्रदेस के दुसरइया जिला बर मानक बनहि।
