chhattisgarh : उत्कृस्ट विवेचना बर मेडल प्रदान करे के घोसना, भारत सरकार ह छत्तीसगढ़ पुलिस के 3 अधिकारी मन ल करही पुरस्कृत
जय जोहार…. भारत सरकार डहार ले (chhattisgarh) छत्तीसगढ़ पुलिस के 3 अधिकारी मन ल उत्कृस्ट विवेचना बर मेडल प्रदान करे के घोसना करे गेहे।
केंद्रीय गृह मंत्रालय डहार ले बछर -2021 बर छत्तीसगढ़ (chhattisgarh) पुलिस के बेमेतरा म पदस्थ उप पुलिस अधीक्षक राजीव शर्मा, राजनांदगांव म पदस्थ उपनिरीक्षक श्रीमती इंदिरा वैष्णव अउ बस्तर में पदस्थ सहायक उपनिरीक्षक श्रीमती इंदु शर्मा ल उत्कृस्ट विवेचना करे बर पुरस्कृत करे जाही।
उल्लेखनीय है कि भारत सरकार के केंद्रीय गृह मंत्रालय डहार ले हरेक बछर आने-आने उत्कृस्ट विवेचना करे ल पुलिस अधिकारी मन ल मेडल प्रदान करे जात हे । (chhattisgarh) गृह मंत्री ताम्रध्वज साहू अउ पुलिस महानिदेशक डीएम अवस्थी ह ए 3 अधिकारी मन ल मेडल मिले म बधाई दीन हे। उल्लेखनीय हे कि पुलिस मुख्यालय डहार ले उत्कृस्ट विवेचना ब पुलिस अधिकारी मन के अनुसंसा ल केंद्रीय गृह मंत्रालय ल भेजे गे रिहीस।
