chhattisgarh : 10 जिला के 15 ठीन नगरीय निकाय म चुनाव के तारीख के होगे ऐलान, 20 दिसंबर के होही मतदान

जय जोहार…. (chhattisgarh ) प्रदेस के 10 जिलों के 15 नगरीय निकाय म चुनाव के तारीख के ऐलान हो गेहे। राज्य निर्वाचन आयुक्त ठाकुर राम सिंह ह मंझनिया 12 बजे ले प्रेस कॉन्फ्रेंस लीन, जेमा वो हा किहीन कि 20 दिसंबर के मतदान अउ 23 दिसबंर के मतगणना होही। एखर संग जिहां चुनाव होवइया हे, उहाँ आचार संहिता लागू हो गेहे।

निर्वाचन के सूचना के प्रकासन 27 नवम्बर के सम्बंधित जिला निर्वाचन अधिकारी डहार ले जारी करे जाही। (chhattisgarh ) सीट के आरक्षण के सम्बंध म 27 नवम्बर के सूचना प्रकासन होही. मतदान केंद्र के सूची ल रिटर्निंग अफसर डहार ले 27 नवम्बर के दे जाही। नाव निर्देसन पत्र प्राप्त करे तारीख घलो उही दिन दे जाही। नाव निर्देसन प्राप्त करे के अंतिम तिथि 3 दिसम्बर, नाव वापसी के तारीख 6 दिसंबर. प्रत्याशी मन के सूची ह 6 दिसंबर के जारी होही।

10 जिला के 15 नगरीय निकाय म आम चुनाव होही, जेमा ले चार ठीन नगर पालिक निगम- बीरगांव, भिलाई, भिलाई-चरोदा अउ रिसाली सामिल हे। (chhattisgarh ) पांच ठीन नगर पालिका परिसद म सारंगढ़, बैकुंठपुर, शिवपुर चर्चा, जामुल, खैरागढ़, 6 ठीन नगर पंचायत -प्रेमनगर,मारो, नरहरपुर, कोंटा, भैरमगढ़ अउ भोपालपट्टनम म चुनाव होही।