त्रिस्तरीय पंचायत चुनई के तारीख के होगे ऐलान, तीन चरण म होही चुनई, 31 दिसम्बर से 7 जनवरी तक भरे जाही नामांकन

जय जोहार। छत्तीसगढ़ राज्य निर्वाचन आयोग ह प्रदेश म त्रिस्तरीय पंचायत चुनई के तारीख के ऐलान कर दे हे। पंचायत चुनई ह तीन चरण म हो ही। नगरीय निकाय चुनई के बाद जनवरी म राज्य भर म यह चुनई कराय जाही। 24 जनवरी के पहिली चरण, 28 जनवरी के दूसरैया अऊ 1 फरवरी के तीसरैया चरण के चुनई हो ही। पंचायत चुनई म पढे लिखे लोग मन ही चुनई लड सकथे, फेर  येखर बारे म छत्तीसगढ़ के निर्वाचन आयुक्त पीसी दलेई ह शिक्षा के स्तर के उल्लेख नई करे हे।

श्री दलेई ने ह पत्रकारवार्ता म बतइस हेबय कि राज्य में पंचायत चुनई के ऐलान कर दे गे हे। सब्बो पंचायत म नामांकन भरे बर 31 दिसम्बर से 7 जनवरी तक के समय निर्धारित करे गे हे। 8 जनवरी के दिन नामांकन पत्र मन के जांच करे जाही अऊ 10 जनवरी तक नाम वापसी हो ही। श्री दलेई बतइस हे कि नारायणपुर, दंतेवाड़ा, सुकमा, बीजापुर म स्थित खंडों अऊ कांकेर के कोयलीबेड़ा, अंतागढ़, भानुप्रतापपुर अऊ दुर्गकोंदल खंड म स्थित जिला पंचायत म मतदान बिहिनया 8 बजे से मंझनिया 3 बजे तक हो ही। आने जिला के पंचायत मन म मतदान बिहनिया 7 बजे से मंझिनया 3 बजे तक करे जाही। 1 फरवरी के दिन वोट के गिनती करे जाही । पंचायत चुनई म वोट के गिनती मतदान के दिन ही पंचायत स्तर म करे जाही।

जिला निर्वाचन अधिकारी मन संसूचित समय अनुसूची (कार्यक्रम) अनुसार, नवा बने 9 जिला पंचायत समेत राज्य के सब्बो 27 जिला पंचायतों के 402 जिला पंचायत सदस्यों, 146 जनपद पंचायतों के 2973 सदस्यों, 10955 ग्राम पंचायतों के सरपंचों अऊ 155595 पंचों मन के चुनई तीन चरण म कराय जाही। पहिली चरण म 55 खंड, दूसरैया चरण म 38 खंड अऊ तीसरैया चरण म 53 खंडों में चुनई हो ही।

पहिली चरण के मतदान 24 जनवरी, दूसरैया चरण के 28 जनवरी अऊ तीसरैया चरण के मतदान ह 1 फरवरी के हो ही। राज्य म 1.35 करोड़ मतदाता हे, जेमा 67,97,039 पुरूष अऊ  67,09,214 महिला मतदाता मन ह अपन पंचायत प्रतिनिधि ल  चुने बर 28537 मतदान केंद्र बनाय गे हे, जेमा पहिली चरण बर 11971, दूसरैया चरण बर 6713 तीसरैया चरण बर 9853 मतदान केंद्र शामल हे। राज्य म 10,588 संवेदनशील अऊ 4,513 अतिसंवेदनशील मतदान केंद्र हाबय। मतपत्र के माध्यम से मतदान करे जाही। ये चुनई म पहिली बार फोटोयुक्त मतदाता सूची के उपयोग करे जाही। ये चुनई ह गैर दलीय आधार पर हो ही। निर्वाचन आयोग ह ये स्पष्ट करे हे कि नगरीय निकाय चुनाव म मतगणना के तारीख में कोई बदलाव नई करय।  मतगणना के दिन मुस्लिम तिहार हे तेखर सेती ये निर्णय  ले गे हे कि मुस्लिम मन ल  अवकाश दे बर एक सर्कुलर सब्बो जिला निर्वाचन अधिकारी मन ल जारी करे जाही।

श्री दलेई ह बताइस हे कि पहिली चरण ( 24 जनवरी)  बिल्हा, मस्तूरी, लोरमी, डभरा, जैजैपुर, नवागढ़, कोरबा, करतला, घरघोड़ा, लैलूंगा, धरमजयगढ़, तमनार, सूरजपुर, भैयाथान, रामचंद्रपुर, वाड्रफनगर, अंबिकापुर लखनपुर, उदयपुर, मनेन्द्रगढ़, भरतपुर, फरसाबहार, कांसाबेल, पत्थलगांव, आरंग, अभनपुर, सिमगा, भाटापारा, पलारी, बलौदाबाजार, फिंगेश्वर, देवभोग, पिथौरा, बसना, सरायपाली, धमतरी, कुरूद, धमधा, डौंडीलोहारा, डौंडी, अंबागढ़-चौकी, मोहला, मानपुर, कवर्धा, सहसपुर-लोहारा, कोंडागांव, जगदलपुर, बकावण्ड, नारायणपुर, अंतागढ़, कोयलीबेड़ा, कटेकल्याण, छिंदगढ़, बीजापुर, भैरमगढ़ म चुनई हो ही।

दूसरैया चरण ( 28 जनवरी) मरवाही, गौरेला, पेंड्रा, पथरिया, बलौदा, बम्हनीडीह पामगढ़, पोड़ी-उपरोड़ा, सारंगढ़, बरमकेला, रामानुजनगर, प्रेमनगर, राजपुर, शंकरगढ़, सीतापुर, मैनपाट, बैकु.ठपुर, कुनकुरी, दुलदुला, छुरा, साजा, बेरला, दुर्ग, गुण्डरदेही, डोंगरगढ़, छुरिया, डोंगरगांव, बोड़ला, फरसगांव, माकड़ी, बस्तर, तोकापाल, कांकेर, चारामा, नरहरपुर, दंतेवाड़ा, गीदम, सुकमा।

तीसरैया चरण ( 1 फरवरी) कोटा, तखतपुर, मुंगेली, सक्ती, मालखरौदा, अकलतरा, कटघोरा, पाली, रायगढ़, पुसौर, खरसिया, प्रतापपुर, ओडग़ी, बलरामपुर, कुसमी, लुण्ड्रा, बतौली, सोनहत, खडग़वां, मनोरा, बगीचा, जशपुर, धरसींवा, तिल्दा, कसडोल, बिलाईगढ़, गरियाबंद, मैनपुर, महासमुंद, बागबाहरा, मगरलोड, नगरी, बेमेतरा, नवागढ़, पाटन, बालोद, गुरूर, राजनांदगांव, खैरागढ़, छुईखदान, पंडरिया, केशकाल, बड़ेराजपुर, बास्तानार, लोहाण्डीगुड़ा, दरभा, ओरछा, भानुप्रतापपुर, दुर्गकोन्दल, कुंआकोण्डा, कोण्टा, भोपालपट्टनम, ऊसूर म चुनई हो ही।