छत्तीसगढ़ म कोरोना के फेर एक अऊ मरीज मिलिस

जय जोहार…. छत्तीसगढ़ म एक बार फेर कोरोना के संक्रमण ह तेजी ले बाढ़त हे। सरलघा तीसर दिन आज फेर एक नवा मरीज ह मिले हे। जेन नवा मरीज ह मिले हे, वो बालोद जिला के रहवइया हे।

बतावत जात हे कि बालोद जिला म जेन नवा मरीज मिले हे, वो हा कुछु दिन पहिले मुंबई ले लहुटे रहिस, जेला क्वारेंटाइन सेंटर म रखे गे रहिस। क्वारेंटाइन होय के पहिले युवक ह अपने दोस्त के संग बाइक म बइठके शहर म घूमे रहिस। ए संक्रमित युवक ल मिला के बालोद जिला म ये दूसर संक्रमित मरीज हे।