chhattisgarh म कोरोना संक्रमण ले हो गे एक अउ मौत, रायगढ़ कोविड अस्पताल म भर्ती रिहिस मरीज

जय जोहार…. छत्तीसगढ़ (chhattisgarh) के रायगढ़ कोविड-19 अस्पताल म उपचार के दौरान एक कोरोना मरीज के मौत हो गे हे। जेन जांजगीर-चांपा जिला के हसौद क्षेत्र के रहवइया रिहिस।
(chhattisgarh) परिजन ह बताइस कि मृतक ह आईटीआई के सरकारी कर्मचारी रिहिस। वो हा अपन रिश्तेदार के इहां शादी म शामिल होय रिहिस, विगत दिनों मृतक ल कई दिन ले सर्दी अउ खून के उल्टी होय म ओला डबरा अस्पताल ले गे रिहिस। जिहां डॉक्टर मन के तरफ ले केहे गिस कि शायद एला कोरोना हो सकत हे। (chhattisgarh) जेखर बाद ओला जिला अस्पताल रायगढ़ म भर्ती करे गे रिहिस। जेखर रिपोर्ट ह कोरोना पाजिटिव आय के बाद कोविड अस्पताल म इलाज बर भेज दे गे रिहिस। जिहां उपचार के दौरान ओखर मौत हो गे हे।